ថៃ និងចក្រភពអង់គ្លេសចុះ កិច្ចព្រមព្រៀងពាណិជ្ជកម្ម នូវភាពជាដៃគូពាណិជ្ជកម្ម លើកដំបូងសម្រាប់ប្រជាជាតិអឺរ៉ុបនៅតំបន់អាស៊ីអាគ្នេយ៍
ដោយ ៖ ហេង រតនះ
ថ្ងៃទី19 ខែ09 ឆ្នាំ2024 ម៉ោង 10:45 AM
បាងកក៖ រដ្ឋមន្ត្រីពាណិជ្ជកម្មរបស់ចក្រភពអង់គ្លេស លោក ឌូក្លាស អាឡិចសាន់ឌឺ កំពុងស្ថិតនៅរាជធានីបាងកក ជាដំណើរទស្សនកិច្ចលើកដំបូងមកកាន់តំបន់អាស៊ី ចា..ប់តាំងពីបានចូលកាន់តំណែងកាលពីខែកក្កដា។នៅក្នុងដំណើរនោះ លោក អាឡិចសាន់ឌឺ បានចុះហត្ថលេខាលើការពង្រឹងភាពជាដៃគូពាណិជ្ជកម្មជាមួយរដ្ឋមន្ត្រីពាណិជ្ជកម្មថៃ លោក ភីឆៃ ណារីថាផាន នៅរាជធានីបាងកកនារសៀលថ្ងៃពុធ មុនពេលធ្វើដំណើរទៅកាន់ប្រទេសឡាវសម្រាប់កិច្ចប្រជុំរដ្ឋមន្ត្រីសេដ្ឋកិច្ចអាស៊ាន។ ក្រោមកិច្ចសហប្រតិបត្តិការភាពជាដៃគូពាណិជ្ជកម្មដែលបានពង្រឹង។ ប្រទេសទាំងពីរបានប្តេជ្ញាដករបាំងជាក់លាក់ ចំពោះពាណិជ្ជកម្ម ដោយផ្តោតលើវិស័យនានារួមទាំងបច្ចេកវិទ្យា គយ និងស្ដង់ដារ។ យ៉ាងណា កិច្ចព្រមព្រៀងនេះមិនរួមបញ្ចូលវិធា.នការផ្សេងៗ ដូចជាការ.កាត់បន្ថយពន្ធ។
ការផ្លាស់ប្ដូរនេះ គឺជាសញ្ញាមួយដែលរដ្ឋាភិបាលការងារថ្មីរបស់ចក្រភពអង់គ្លេស មើលឃើញថា អាស៊ីអាគ្នេយ៍ជាតំបន់សំខាន់កាន់តែខ្លាំ..ងឡើង ខណៈដែលខ្លួនក៏ស្វែងរ.កការ.កសាងឡើងវិញនូវទំនាក់ទំនងជាមួយសហភាពអឺរ៉ុប បន្ទាប់ពីជិត១៤ឆ្នាំនៃការគ្រប់គ្រងបែបអភិរ.ក្ស។ លោក អាឡិចសាន់ឌឺ បានលើកឡើងថា៖«កិច្ចព្រមព្រៀងនេះ ឆ្លុះបញ្ចាំងឱ្យឃើញពីភាពស៊ីជ..ម្រៅនៃទំនាក់ទំនងពាណិជ្ជកម្មរវាងចក្រភពអង់គ្លេស និងប្រទេសថៃ និងការទទួលស្គាល់កាន់តែទូលំទូលាយថា ប្រទេសថៃស្ថិតនៅក្នុងទីតាំងដ៏សំខាន់មួយ ដែលយើងចា.ត់ទុកថា ជាម៉ាស៊ីនកំណើនសកលដ៏សំខាន់មួយនៃសេដ្ឋកិច្ចអាស៊ាន»។
ចក្រភពអង់គ្លេស គឺជាដៃគូពាណិជ្ជកម្មធំជាងគេទី៤ របស់ប្រទេសថៃនៅអឺរ៉ុប ហើយពាណិជ្ជកម្មទ្វេភាគីមានចំនួន៧,៩ពាន់លានដុល្លារ ក្នុងឆ្នាំ២០២៣។ ការពង្រឹងភាពជាដៃគូពាណិជ្ជកម្ម កំណត់វិស័យចំនួន២០សម្រាប់កិច្ចសហប្រតិបត្តិការ រួមមាន៖ រថយន្ត សេវាកម្មហិរញ្ញវត្ថុ និងពាណិជ្ជកម្មឌីជីថល ជាពិសេស ក្រុមហ៊ុនផលិតរថយន្តរបស់អង់គ្លេស កំពុងសម្លឹងមើលការរួមបញ្ចូលខ្សែច្រវាក់ផ្គត់ផ្គង់ដ៏ទូលំទូលាយរបស់ប្រទេសថៃ។ លោក អាឡិចសាន់ឌឺ និយាយថា ការចា..ប់ផ្តើមអាជីវកម្មឈានមុខគេរបស់ចក្រភពអង់គ្លេស អាចរួមចំណែកដល់វិស័យបច្ចេកវិទ្យាជឿនលឿនរបស់ប្រទេសថៃ ដូចជាមជ្ឈមណ្ឌលទិន្នន័យ និងបញ្ញាសិប្បនិមិត្ត ជាឧស្សាហកម្មរសើប ដែលក្រុមហ៊ុនអាម៉េរិក និងចិន បានប.ង្កើតនៅក្នុងទីផ្សារ។
លោកបន្តថា៖«យើងជាមហាអំណាចសេវាកម្មពិតប្រាកដ ព្រោះវិស័យនេះរួមចំណែក ៨០ភាគរយនៃសេដ្ឋកិច្ចរបស់ចក្រភពអង់គ្លេស។ ខ្ញុំកំពុងសម្លឹងរ.កមើលការប.ង្កើតទំនាក់ទំនងពាណិជ្ជកម្មដ៏រឹងមាំ..មិនមែនគ្រាន់តែនៅទូទាំងវិស័យឱសថ និងការថែទាំសុខភាពប៉ុណ្ណោះទេ ប៉ុន្តែទិដ្ឋភាពទូលំទូលាយនៃបច្ចេកវិទ្យាខ្ពស់ និងពាណិជ្ជកម្មឌីជីថល សេវាកម្មហិរញ្ញវត្ថុ និងការប្រើប្រាស់យូរអង្វែងនៃអ្នកប្រើប្រាស់»។
គួរជម្រាបជូនថា ETP ជាមួយប្រទេសថៃ បានពិភាក្សាអស់រយៈពេល២ឆ្នាំជាមួយឱកាស ដើម្បីចុះហត្ថលេខាលើកិច្ចព្រមព្រៀង ដែលលេចចេញបន្ទាប់ពីការបោះឆ្នោតខែឧសភា ឆ្នាំ២០២៣ នៅប្រទេសថៃ ក្រោយមេដឹកនាំស៊ីវិល បានត្រឡប់មកកាន់អំណាចវិញ។ ទោះជាយ៉ាងនេះក្ដី ការដកតំណែងនាយករដ្ឋមន្ត្រីថៃ លោក សេដ្ឋា ថាវីស៊ីន កាលពីខែមុន បានជំរុញឱ្យអ្នកវិនិយោគមួយចំនួន គិតគូរអំពីស្ថិរភាពនយោបាយរបស់ប្រទេសក្បែរខាងកម្ពុជាមួយនេះផងដែរ៕សហការី
© 2019 រក្សាសិទ្ធិគ្រប់បែបយ៉ាងដោយ PEOPLENEWS.ASIA (PN ASIA)
អ្នកយកអត្ថយកទៅផ្សាយបន្តដោយគ្មានការអនុញាតិ ត្រូវទទួលខុសត្រូវចំពោះមុខច្បាប់ ។
សម្រាប់ការប្រើប្រាស់ ឬផ្សាយបន្ត សូមទាក់ទងមក ទូរស័ព្ទលេខ 012816262 010481481 ។
